Capt. Lalrinawma'n Kirti Chakra a dawng

4 Para (Special Forces)-a awm mek Capt. Lalrinawma Sailo (27), Chanmari, Aizawl chuan June 8, Thawhṭanni khan Rashtrapati Bhavan-ah India rama sipai huaisen chawimawina sang ber dawttu Kirti Chakra a dawng.

Capt. Lalrinawma Sailo hi April 22, 2025-a Pahalgam, Jammu & Kashmir-a khualzin mi 26 kap hlumtu mi firfiakte beih letnaah a chet ṭhat avangin Kirti Chakra hlan a ni. Mizo zinga Kirti Chakra dawng thei pahnihna a ni a, kum 1968 khan Subedar Chalhnuna Lushai chuan a lo dawng tawh.

Kirti Chakra dawng turin Capt. Lalrinawma Sailo thlan a nih thu nikum khan puan a ni a; June 8, 2026 khan Rashtrapati Bhavan-ah President Droupadi Murmu hnen aṭangin a dawng ta a ni.

Capt. Lalrinawma Sailo hian Pahalgam-a khualzinte pawng kahtu mi firfiak pathumte chu a kap hlum vek a; mi firfiakte hian silai an hmet puak ve hman lo.

Union Home minister Amit Shah chuan Capt. Lalrinawma chu Parliament House-ah fakin, India tana phuba latu tiin a sawi chhuak a; Indian Army pawhin Capt. Lalrinawma leh a hote Pahalgam-a an chetna chu 'The Cleanest Operation' an ti bawk.