Congress sorkar a nghîng loah ngai

Lai Autonomous District Council (LADC)-a MNF Legislature Party hruaitute'n state-ah MNF an sorkar tâk avanga LADC-a Congress sorkar a nghîng anga an sawi chu thu dik lo a nih thu, Congress Legislature Party secretary Laltlawmlova Chinzah chuan a sawi.

Thuthar thehdarhtute zawhna chhangin Laltlawmlova Chinzah chuan, tun hma lamin state sorkar a inthlakin Council-ah pawh MDC ṭhenkhatte'n ram leh hnam mualphona tur pawh ngaihtuah chang loin state-a thuneihna changtu party lamah pakaiin, Council sorkar pawh a nghîng ṭhin tih a sawi a, "Tunah chuan Congress MDC zingah pelhê tumna nei an awm lo a, ram leh hnam tan rinawm takin an awm," a ti.

Lai District Congress Committee (LDCC) pawhin thu­chhuah siamin, MDC pasarih nei MNF-te'n sorkarna siam an tum thu an sawi chu mipui tihchî-âi tumna mai a nih thu an tarlang.

LDCC tarlan danin, MDC-te thlan tlin an nih party dang duh dan loa sorkarna siam tura party dang thawhpui leh party danga inleh chu LADCConstitution, Conduct of Business Rules 2010 khap a ni.