CM-in Serchhipah hmanrua a sem

Chief minister Lalduhoma chuan nimin khan a bial a tlawh a, Serchhip DC conference hall-ah Serchhip DC leh Artificial Limbs Manufacturing Corporation of India (ALIMCO) ten rualbanlo te, ramtuileilo leh upa mi 211 hnenah ALIMCO siam hmanraw chi hrang hrang 1,427 a sem.

Lalduhoma chuan, mihringte chu duhthlanna vang ni loin, pianpui tisa lama kim lohna emaw, harsatna emaw nei thei an nih thu sawiin, "Fuke kim biaia kan pian hnu pawhin vanduaina vangin kan taksaah kim lo leh fel lo a awm thei a, kan kum a lo tamin hmanrua eng emaw nena kan nun a ṭul hun a awm thei," a ti a; rualbanlo, ramtuileilo leh upa te mamawh hmanraw siamtu atan sorkar laipuiin kum 1972-ah ALIMCO a din thu a sawi.

Hmanruate hi Serchhip district-a mi 211 hnenah pek a ni a, chungte chu rualbanlo mi 28 leh upa mi 183 a ni. Hmanrua chi hrang 1,427 sem a ni a, cheng nuai 19.25 man a ni.