JJM hnathawh leh hmachhawp sawiho

Chief secretary Khilli Ram Meena hoin nimin khan CS conference hall-ah State Water and Sanitation Mission Apex Committee an ṭhu a, Jal Jeevan Mission (JJM) hnuaia Mizorama hnathawh kal mek leh JJM 2.0 hnuaia hmachhawpte an sawiho.

Ṭhutkhawmah hian Mizorama JJM 2.0 scheme kalpuina atana Compre-hensive Implementation and Reform Plan (CIRP) chu pawm a ni. Meeting-ah hian sorkar laipuia JJM joint secretary pahnih - D Senthil Pandiyan leh Swati Meena Naik te pawh video conferencing hmangin an tel.

JJM hi December 2028 thleng pawhsei a ni a; Mizoram sorkar leh Ministry of Jal Shakti hnuaia Department of Drinking Water & Sanitation chuan May 6, 2026 khan JJM 2.0 kalpuina atan inremna thuthlung (memorandum of understanding) an ziak a ni.