MUHCS 2.0 kalpui turin sorkar leh Christian Hospital-te'n inremna ziak

Lunglei leh Lawngtlaia Christian Hospital te chuan Mizoram Universal Healthcare Scheme (MUHCS) 2.0 kalpui turin nimin khan Health & Family Welfare minister Lalrinpuii pisaah inremna thuthlung an ziak.

Thuthlungah hian Mizoram State Health Care Society aiawhin chief executive officer Dr Lalhriatzuali Ralte, deputy CEO Dr Vanlalremsiama leh CFO Dr K Lalnghinglova ten hming an ziak a; Christian Hospital pahnih aiawhin H Lalthlamuana leh Rev. Dr R Zolawma ten hming an ziak a ni.

Health minister Lalrinpuii chuan, tunah hian Mizorama mimal leh kohhran enkawl damdawi-in 18-te'n MUHCS an zawm mek tih tarlangin, "Mipuite'n ṭangkai taka an hman ngei ka beisei," a ti.