Police-in heroin leh opium man

Mizoram Police chuan tun hnai khan Mizoram hmun pahnihah heroin leh opium fluid eng emaw zat an man a; a kaihhnawihah mi pathum manin, police station-ah thubuai an

ziak lut.

Champhai police-te chuan June 8, 2026 khan Khankawn check gate-a Champhai aṭanga Aizawl pan lirthei an endiknaah lirtheia chuang Vanlalnghaka (36), Tualcheng, Champhai Vengsanga khawsa mek nia inchhal hnen aṭangin heroin gram 29 an man a; Champhai PS-ah thubuai an ziak lut nghal.

Saitual police-te chuan June 9, Thawhlehni khan Keifang daiah Manipur aṭanga Aizawl pan lirthei UP-32 NZ-6396 aṭangin opium fluid nia hriat báwm 71 (kg 45.871) an man a, cheng nuai 229 hùa chhût a ni. Lirthei khalhtu Somraj (36), Jodhpur, Rajasthan leh Kailash (28), Narsing Nagar, Jodhpur, Rajasthan nia insawite an man nghal a; NDPS Act tlawhchhanin Saitual PS-ah thubuai ziah luh a ni.