DC leh CYLA-in ruihhlo do dan sawiho

Lawngtlai bawrhsap Donny Lalruat-sanga chu nimin khan a pisaah Central YLA office bearer-te nen an inkâwm a, ruihhlo do chungchang leh thil pawimawh dangte an sawiho.

Inkawmnaah hian DC Office leh YLA hmalakhonate ennawn a ni a, ruihhlo do beihpui thlakna Operation Jericho-a ṭanho zel dan tur sawiho a ni. Lawngtlaia zu lut tam ber chu Chakma zu, khawthlang lam aṭanga lut a niih thu leh, ruihhlo (narcotic drug) lut tam ber chu Lunglei leh Siaha lam aṭang lut a nih thu sawi a ni. Zu leh ruihhlo do rêm turin chak zawka hmalakho ni se, an ti.

Lawngtlai Bawrhsap chuan, ruihhlo donaah committee pêng hrang hrang awm mah se, hmalaknaah CYLA nen inhriatpawh tawn a ṭul thu a sawi a, "Ruihhlo bakah, foreigner leh sumdawnna chungchangah hmalakna tur tam tak a awm. State sorkarah Preliminary SOP thehluh a ni a, tun thla chhungin approval hmuh beisei a ni," a ti a; district administration hmalaknaah YLA, LWA, MHIP te an pawimawh a, sorkar kutke tak tak an nih thu a sawi.