Compartment leh improvement exam result MBSE-in an tichhuak

Mizoram Board of School Education (MBSE) chuan nimin khan kumin HSLC leh HSSLC compartmental leh improvement examination result a tichhuak. Compartment exam-ah hian HSLC-ah zirlai 52 leh HSSLC-ah zirlai 39 an hlawhtling a, improvement exam-ah zirlai exam 35 zinga 15-in result hmasa aiin mark an hmu sang zawk.

Kumin 2026-ah hian HSLC compartmental exam hmachhawntu zirlai 108 awmin, mipa 54 leh hmeichhia 54 an ni a; zirlai 56 (mipa 30 leh hmeichhia 26) hlawhtlingin, pass percentage 48.15% a ni.

HSSLC-ah chuan Arts-ah compartmental exam zirlai 85 (mipa 34 leh hmeichhia 51) awmin, zirlai 46 (mipa 15 leh hmeichhia 31) an pass a; Commerce-ah zirlai pakua (mipa pasarih leh hmeichhia pahnih) zinga mipa paruk an hlawhtling. Science-ah zirlai mipa paruk leh hmeichhia paliin exam an hmachhawn a, mipa leh hmeichhia pahnih ve ve an pass a ni.

NEP 2020 ruahman angin pass-na subject pakhata exam ṭha duhte tana exam ṭhat theihna, improvement examination-ah HSLC aṭangin improvement exam hmachhawn pakhat a awm a, result hmasa aiin mark a hmu sang zawk. HSSLC-ah improvement exam hmachhawn zirlai 34 an awm a, chu'ng zinga 14 chuan an result hmasa aiin mark an hmu sang zawk a ni.