Stop Diarrhoea atan inbuatsaih

Saitual bawrhsap Srinivas Sadi hoin nimin khan Ministry of Health & Family Welfare hnuaia India ram pum huapa naupangte zinga kawṭhalo vanga thihna pumpelhna tura beihpui thlakna, 'Stop Diarrhoea Campaign' kalpui dan tur rel a ni.

Stop Diarrhoea Campaign (SDC) hi June 16 - July 31, 2026 chhunga kalpui tur a ni a; campaign chhungin naupang kum 5 hnuai lamte hnenah a thlawnin ORS leh zinc tablet sem a ni ang. Accredited social health activist (ASHA) leh health worker te hmun hrang hrangah kalin, kawṭhalo vên dan leh enkawl dan te, kut sil dan te, ORS leh zinc pawimawhna te, faina chungchang an zirtir dawn a ni.

Health sub-centre leh anganwadi centre-ah te ORS-Zinc Corner siam a ni dawn a, chu'ngah chuan naupang kawṭhalote'n enkawlna an dawng thei dawn. Saitualah chuan SDC hi June 16, 2026 chawhma dar 10 khian Saitual Aganwadi Centre VII-ah hawn a ni ang.