KHAWTHLIR

Thisen pe

Nimin khan Civil Hospital, Aizawl tan Zemabawka awm CRPF 225 battalion chuan World Blood Donor Day thleng tur pualin thisen unit 17 an pe a; Modern Higher Secondary School NSS pawhin thisen unit 16 an pe a, petute mipa 13 leh hmeichhia pathum an ni. Chhekhnai Branch YMA pawhin June 11, Ningani khan Serchhip District Hospital-ah thisen unit 23 an pe a, petute mipa 18 leh hmeichhia panga an ni.

Literary Award

Mizo Writers Association chuan kum thum dana chawimawina an hlan ṭhin, Mizo Literary Award dawng turin PL Liandinga, Khatla South leh Vanneihtluanga, Chanmari te an thlang. Mizo Literary Award hi July 23, 2026-a 'Thu leh Hla Kûtpui' an hman hunah an hlan dawn a ni.

Health Camp

Central YMA hnuaia Health & Sanitation Sub-Committee hmalaknain nimin khan Ṭawngṭai Bethel Camping Centre-ah Health Camp buatsaih a ni a, mi 800 vel hriselna dinhmun endik a ni. Health Camp buatsaih tur hian doctor, nurse leh technician eng emaw zat an thawk chhuak a; mi 800 vel hriselna dinhmun endik niin, an mamawh damdawite a thlawna pek an ni a, damdawi an sem zawng zawng chu Rs 7,00,000 hû a ni.

Pakhatna nih lawm

MUP, Mission Vengthlang Branch chuan MUP Gen. Hqrs leh Art & Culture department ten MUP puala May 29, 2026-a Lengkhawm Zai Intihsiak an buatsaiha pakhatna an nih chu nimin khan Mission Vengthlang Pres-byterian Kohhran Revival Centenary Hall-ah an lawm. He hun hi bialtu corporator Roy Lalhriatpuia'n a hmanpui a, chawhlui an kilho. Mission Vengthlang MUP hi kum 2024-a lengkhawm zai inttihsiakah pakhatna an lo ni tawh bawk.