PE department hmachhawp sawiho a ni

Power & Electricity minister F Rodingliana kaihhruaiin nimin khan PE department, Finance department leh Planning department hotute'n PE department hmalakna leh hmachhawpte bawhzui dan tur an rêl.

Ṭhutkhawmah hian Union Power minister Manoharlal-a'n May 29, 2026-a Mizoram a tlawh ṭuma Chief Minister nena an sawi dunte bawhzui dan tur rel a ni a; Tuivai Hydel Project, Tuichang Pump Storage Project leh project dang siamna tur bakah, corporation-a PE department let tura hmalakna kal mek chungchang sawiho a ni.

Tun anga PE department-in hma a sawn zel a, hmalak mekna kawlphetha siam chhuah belh kawnga hlawhtlinna hmuh a nih zel chuan, department hnuaia thawktute pawhin mipui leh sorkar hlawkna tur a nih phawt chuan corporation anga awm an hnial loh thu sawi a ni a; thawklehkhata tihhlawhtlin nghal erawh a theih loh thu an sawi.

PE department-in corporate lam hawia hmalakna an kalpui mek thu leh, department chu hlawm thum - transmission, distribution leh ceneration-a ṭhen turin unbundling tih mek a nih thu sawi a ni bawk.