Eirûkna tih theih tur hmuh a nih loh avangin zangnadawmna leh LSC pek thubuai titawp

Bungtlang South aṭanga Ngengpui - Tuithumhnar (BNT) kawng siamnaa zangnadawmna pek dan leh LSC pek danah dik lo a awm nia hriat thubuai chu, eirukna tih theih tur hmuh a nih loh avangin tihtawp a ni. He kawng siam chungchangah hian Tuithumhnar, Lawngtlai district khaw mi paruk chuan August 12, 2025 khan Lokayukta-ah complaint an thehlut.