Lawngtlaiah World Blood Donor Day hman a ni

Association for Voluntary Blood Donation (AVBD), Lawngtlai Branch huaihawtin nimin khan Lawngtlai Bazar Presbyterian Kohhran Hall-ah World Blood Donors Day hman a ni a, Lai Autonomous District Council chief exe-cutive member C Lalsawmzuala'n a hmanpui.

WBDD lawmnaah hian June 14, 2025 - June 14, 2026 inkara kohhran ṭhalai pawlte zinga thisen pe ṭhate hnenah chawimawina hlan a ni a; MJA, Lawngtlai District hnenah thawhho ṭha tak neih avanga lawmthu sawina thuziak hlan a ni bawk.

C Lalsawmzuala chuan, thisen pek chu ringtute nihna nen thil inhmeh tak a nih thu sawiin, "Kan hnam nunphunga bet tlat tlawmngaihna nen pawh inhmeh tak a ni," a ti a; thisen petute'n phût lêt nei miah loa hriselna vawng uluk chunga thisen an pe ṭhin chu ropui a tih thu a sawi.

World Blood Donors Day hi June 14 a ni a, kuminah Pathianni a nih avangin nimin khan Lawngtlaiah hman a ni. WBDD puala inkhawm zawhah KṬP, Lawngtlai Pastor Bialte'n thisen an pe nghal.