Lunglei ZPM-in Lunglei by-pass road a hlawhtlin theih nan CM-ah thlen rêl

ZPM Southern Headquarters, Lunglei Coordination Committee hruaitute nimina ṭhukhawm chuan, Lunglei bypass road hun rei tak buaipui tawh chu chak zawka a hlawhtlin theih nan Chief Minister hnenah thlen an rêl.

Lunglei ZPM Coordination Committee chuan, Lungleiah shopping mall mamawhna a san tawh avangin, shopping mall neih a nih theih nan sorkar hotute hnenah thlen an rel a; "District Court hmunhma chinfel theih loha awm reng ṭhin a hlawhtlinna tura sorkarin hma a lak mekna chu a ṭha hlein hriat a ni a, District Court a hma theih ang berah a awm theih nan hmalak ni se," an ti bawk.

Ṭhutkhawm hi ZPM Southern Head-quarters, Lunglei president Lalduh-awma'n a kaihruai a; MLA pathum - V Malsawmtluanga, Lalramliana Papuia leh T Lalhlimpuia te, Lunglei Municipal Council chairman Lalzuithanga leh vice chairman K Lalrinawma bakah, executive councillor Zorinsanga Hmar leh Lalhruaitluangi Sailo te leh, party hruaitu dangte an tel a ni.