Planning leh Finance hotute'n CM hoin thil pawimawh sawiho

Nimin khan chief minister Lalduhoma hoin a pisaah Planning & Programme Imple-mentation department leh Finance department hotute an ṭhukhawm a; sorkar laipuia Ministry of Finance-in India hmarchhak huapa Institutional Capacity in North Eastern Region Workshop, Shillong-a an huaihawt tur atan inbuatsaihna hun an hmang.

Ministry of Finance chuan India hmarchhak bialah awmze nei zawka Externally Aided Project (EAP) kalpui a nih theih dan tur zirhona, Strengthening Institutional Capacity an buatsaih dawn a; hmarchhak biala EAP institution leh technical capacity tihchak dan tur te, state hrang hrangte'n EAP an kalpuinaa an tawnhriat inhrilh tawnna leh, ministry hrang hrangte ṭha zawka an thawhho dan turte an zirho a ni ang.

Hmarchhak huap zirhonaah hian hmarchhak biala chief minister-te tel vek tura beisei an ni a, chief minister Lalduhoma pawh a tel dawn a, thu a sawi dawn a ni.

Nimina Chief Minister hoa ṭhutkhawmah hian Special Assistance to States for Capital Investment (SASCI) 2025-26 hna kal mekte leh SASCI 2026-27 hnuaia hmalakna thar turte sawiho a ni bawk.