BSI, Aizawl Auxiliary-in kum 2025-26 chhungin Rs 6,05,16,541 an hmu

Bible Society of India (BSI) Aizawl Auxiliary chuan sum kum 2025-26 chhung khan an branch hrang hrang leh mipui aṭangin thawhlawm Rs 6,05,16,541 an hmu.

BSI, Aizawl Auxiliary-in June 13-14, 2026 chhunga Bawngkawn Presbyterian Kohhran biak-ina Inkhawmpui Lian (Annual Meeting & Thanksgiving Service) vawi 41-na an hmannaa tarlan danin, BSI Aizawl Auxiliary-ah hian kohhran pawl 36 thawkhoin, branch 69 an awm mek a; kum 2025-26 chhung khan BSI-ah Rs 6,05,16,541 thawh khawm a ni.

BSI Inkhawmpui Lianah hian June 13 zan khan inlawmna leh report inkhawm neih a ni a, June 14, Pathianni chawhmaah lawmthu sawi inkhawm neih niin, chawhnuah 'united service' hun hman a ni. Zanah vantlang Pathian biak inkhawm neih a ni bawk.

BSI Aizawl Auxiliary-ah hian kum 2026-2029 chhung atana president chu Rev. Dr Vanlalnghaka Ralte (Presby-terian) a ni a; vice president Rev. Dr C Lalhungliana (BCM), treasurer Lt Col. Lalramliana (Salvation Army), secretary Rev. Remlalfaka te an ni.