Hortoki rama ran chaw chìnna tur en

AH & Vety minister C Lalsawivunga chuan nimin khan sorkarin a siam thar tur Hortoki rama ran chaw chînna, fodder plantation a tlawh a, hmalak zui dan tur a en.

C Lalsawivunga chuan, Hortoki khuain an ram chhungah ran chaw chìnna tur hmun ṭha tak, buh ṭín 80 vel hmun sorkarah an pe chu an lawm thu a sawi a, "Sorkar chuan beihpui thlak nghal kan tum a, ran chaw chi hrang hrang chin kan tum dawn. Ranvulh lama eizawng tan leh Mizoram mipui tan chhenfakawm tak tur a ni," a ti.

Fodder plantation hmun atan hian Hortoki Village Council-II chuan AH&Vety department hnenah ram an pe a ni. Plantation hmun tur Minister-in a enfiahnaah hian AH&Vety secretary Lalsangliana, director Dr Lalrotluanga Sailo leh officer dang te, Hortoki VC member-te leh YMA hruaitute an tel a ni.