Heroin leh methamphetamine man

Excise & Narcotics department (END) leh an thawhpuite chuan tun hnai khan heroin gram 591 leh meth amphetamine mûm 9,786 an man.

END chuan June 16, Thawhlehni tlai dar 4:55 khan Temple Square, Tuikual South-ah heroin gram 241 (hawng 20) an man a; a neitua puh Gin Khan Sang (28), Churachandpur, Manipur (tuna Chawnpui venga khawsa mek) nia inchhál an man nghal.

June 16 vêk zan dar 11:15 khan END chuan Khatlaah mi pathum - Vanlallianzauva (33), Haiheng, Falam district, Myanmar (Zokhaw-thara khawsa mek), KC Lal-rintluanga (38), Ramhlun South leh Lalhmangaihzuali (30), Bawngkawn Brigade Veng nia insawite hnen aṭangin heroin gram 350 (hawng 30) an man a; heroin phurhna atana hman Tata Intra V17 truck MZ-01 AB-9551 an hrêng nghal a ni.

END leh Assam Rifles thawk dun chuan June 16, Thawhlehni zan dar 9:10 khan Champhai Tlangsamah Lalramnghaka (30) leh Zosangzuala (38), Champhai Zion Veng nia inchhálte hnen aṭangin methamphetamine mûm 9,786 (gram 950) an man bawk.

Ruihhlo manah hian The Narcotic Drugs & Psychotropic Substances Act, 1985 tlawhchhanin thubuai ziah luh a ni a; ruihhloa inhnamhnawih mante hi nimin khan court-ah hruai an ni.