Lungsen nula khâmah tla hlum

Liansangpuii (22), Lungsen North chu June 17, Nilaini zan dar 11 vel khan Tuipang leh Theiri inkar khâmah a tla hlum.

Thu dawn danin, Liansangpuii hi June 17 khan Tuipangah bungrua dahin Mahindra Maxx-in an kal a, Tuipang aṭanga Lunglei lama an lêt chu zan dar 11 vel khan Tuipang leh Theiri inkarah zunram thiarin an ding a; Liansangpuii muhil harh chu phone hmang turin kawng sirah a kal a, chesual palhin, kawng thlang khâmah a tla nia sawi a ni.

Liansangpuii chetsual thu hi lirthei khalhtu leh handyman ten Tipa leh Theiri branch MTP hruaitute an hrilh a; mi tlawmngaite'n zawng zuiin, a tlakna aṭanga metre 120 vela hlaah thiin an hmu a ni.