CEO hoin SIR ERO-te ṭhukhawm

Mizoram chief electoral officer (CEO) Garima Gupta hoin nimin khan Secretariat conference hall-ah Special Intensive Revision (SIR) 2026 kalpui meka electoral roll observer (ERO)-te an ṭhukhawm a; SIR kalpui chungchanga thil pawimawhte an sawiho.

Garima Gupta chuan, Election Com-mission of India (ECI) duh dan anga electoral roll dik leh felfai neih a nih theih nan ERO-te chu hma la tura ruat an nih thu a sawi a; final electoral roll chhuah hma ngeia an district chan ṭheuhte vawi thum tal tlawh chhuak tur leh, mipuite'n harsatna an neihte ngaih-thlaksak turin a chah.

SIR 2026 ERO atana ruatte chu UDPA secretary K Lalthawmmawia, Social Welfare, Women & Child Development secretary Lalzarmawii, Higher & Technical Education secretary Dr Lalrozama, Sports & Youth Services secretary V Lalsangliana, PHE secretary Zodingpuii leh LESDE secretary Dr Lalhriatzuali Ralte te an ni a; master trainer Timothy R Vanlalhma-ngaiha'n an tih turte a hrilhfiah a ni.