Synod leh UPC pisa hawng

Mizoram Presbyterian Synod Office chu nimin aṭang khan kum 2019 atan an hawng ṭan a, Synod Bookroom chu chawlhkar hmasa lamah khan an lo hawng tawh. 

Synod Office hawn ṭannaah hian Pathian hnena inhlan tharna in­khawm buatsaih a ni a, Synod moderator Rev. R Lalhmingthanga hoin hun an hmang a ni.

UPC (North East India) general headquarters office, Mualpuia mi pawh nimin khan kum 2019 atan hawn ṭan a ni. Hawnna inkhawm, general secretary Rev. R Lalrinsanga kaihhruaiah general superintendent Rev. Lalmalsawma Sailo, general treasurer Rev. Zohmingthanzama leh hruaitu dangte'n thu an sawi. Nimin vek khan Mizorama UPC (NEI) district pali- Aizawl East, North Mizoram, Lunglei leh Chhimtuipui bakah, Mizoram pawna district pasarih - Churachandpur, Imphal, Chandel, Tripura, South East Nagaland, Central leh Barak district ofice-te pawh hawn nghala ni.