Indian Science Congress-ah Mizo tel

January 3-7 chhung khan Lovely Professional University, Punjab-ah Indian Science Congress vawi 106-na neih a ni a, January 3 khan prime minister Narendra Modi-a'n a hawng. Science Congress-ah hian Science Teachers Association Mizoram (STAM) tirhin child scientist pahnih - VL Pekhlua leh Lalhmangaihsangi te bakah, anmahni hruaitu zirtirtu pahnih an tel.

Indian Science Congress thupui chu 'Future India: Science and Technology' tih a ni a; Mizoram aṭanga tel VL Pekhlua, Mary Mount School zirlai chuan a project 'Waste to wealth through compost' tih entirin a sawifiah a, Lalhmangaihsangi, Baptist Higher Secondary School, Serkawnin a project 'A systematic study on the distribution and the nature of scrub typhus patients in Lunglei Town and Haulawng Village, Mizoram during May 2013 - July 2018' tih chu entirin a sawifiah bawk.

Mizoram aṭanga kal child scientist-te project leh model-te'n Science Congress chhimtu mipui ngaihven a hlawh hle nia thu dawn a ni a; Mizo zirlaite hi an zirtirtu - Zairemmawia, Mary Mount School leh R Lalramliani, Baptist HSS-te'n an hruai a ni.