VC-te sum hmuh hman dan tur rêl

Rural Development & Adminis-tration (RDA) minister Prof. Lalnilawma hoin nimin khan a pisaah 16th Finance Commission (FC) sum hmanga village council (VC)-te'n thingtlang tihhma-sawnna tur, 16th FC Grant to Rural Local Bodies in Mizoram kalpui dan tur rêl a ni.

Prof. Lalnilawma chuan, 15th FC sum hman loha liam (lapse) awm loa hai chhuah vek a ni chu a lawm thu a sawi a, "Pathian malsawmna leh thawhhona ṭha vang a ni a, 15th FC sum hai chhuak tura theihtawp chhuahtu sorkar official-te chungah kan lawm tak zet a ni," a ti.

16th FC sum pawh a hun taka hai chhuak thei turin tun aṭanga inbuatsaih ṭhat a pawimawh thu Minister chuan a sawi a, "Thawhhona ṭha, ṭhahnemngaihna leh inpekna a pawimawh a, thawhhona ṭha kan neih chuan engmah hi huphurh-awm a awm lo," tiin; nasa zawka inpek-na thar nei turin thawktute a chah.

Ṭhutkhawmah hian RDA department, Finance department, LAD directorate, PHE, Directorate of Local Fund Audit & Pension, Social Audit Unit hotute leh All Mizoram Village Council Association hruaitute an tel a ni.