CM-in DPAR a enkawl tawh

Minister K Sapdanga enkawl ṭhin Department of Personnel and Administrative Reforms (DPAR) chu chief minister Lalduhoma enkawl turin dah a ni.

Political & Cabinet department chuan June 18, Ningani khan notification a tichhuak a, K Sapdanga enkawl ṭhin DPAR chu Chief Minister-in a enkawl tawh dawn tih a tarlang. Notification tihchhuah aṭangin DPAR hi CM-in a enkawl nghal tura tih a ni.

CM Lalduhoma hian department paruk - Finance, Planning & Programme Implementation, Vigilance, General Administration (GAD), Political & Cabinet leh Law & Judicial department-te a enkawl ṭhin a; DPAR nen June 18, 2026 aṭangin department pasarih a enkawl ta a ni.

DPAR laksak a nih tâk avangin K Sapdanga chuan department pahnih - Home leh Urban Development & Poverty Alleviation department-te a enkawl dawn a ni.