CADC-ah MNF-in sorkar siam dil

Chakma Autonomous District Council (CADC)-a Congress MDC palite chuan MNF an thlâwp tawh avangin MNF Legislature Party leader Rasik Mohan Chakma chuan District Council Affairs Secretary hnenah nimin khan sor­karna an siam theih thu a thlen a, sor­karna siamtir turin a dil.

CADC-ah hian MDC seat 20 awmin, inthlan hnuhnung ber, April 2018-a inthlanah MNF-in seat pariat, Congress-in seat pasarih leh BJP-in seat panga an la a; Congress leh BJP ṭang dunin sorkar an siam a ni. Nikum MLA inthlan hma deuh khan Congress MDC-te chu BJP nena an thawhhona aṭangin an inhnûkdâwk a, chumi hnuah sorkarna siam an awm tawh lo a, mahse, Chief Executive Member chu a pisaah a kal zui zel thung.

Tun hnai khan Congress MDC pali - KK Tongchangya, Amit Kumar Chakma, Bubon Kumar Chakma leh Mohan Chakma-te chuan MNF an thlàwp tâk avangin, Rasik Mohan Chakma chuan sorkarna a siam theih thu District Council Affairs Secretary hnenah a thlen ta a ni.