Zirlai zoa chhuak turte thlah

College of Veterinary Sciences & Animal Husbandry, Selesih chuan June 20, Inrinni khan an auditorium-ah Bachelor of Veterinary Sciences & Animal Husbandry (BVScAH) zir zote thlahna, Graduation Day an hmang. BVScAH zir zo mi 62 (hmeichhia 33 leh mipa 29)-te thlah an ni a; dean Dr Lalnuntluangi Hmar-in kaihruai a ni.

Pachhunga University College (PUC) pawhin June 19, 2026 khan kumina an zirlai chhuak tur 794-te thlahna hun an hmang a, National Service Scheme (NSS) award hrang hrang an sem nghal. PUC-ah hian academic session 2025-26 ah under graduate zirlai 2,725 an awm a, chu'ng zinga 794 chu an thlah a, arts-ah zirlai 445, science-ah 254, commerce-ah 56 leh management-ah 39 an ni.