Finishing School hun hmang

J Thankima College chuan June 15-19, 2026 chhung khan Bawngkawn South YMA Hall leh Berawtlang Tourist Centre-ah final year zirlaite tan Finishing School Programme an buatsaih a; June 19, 2026 khan Graduation Day leh Grand Dinner hmangin an khâr.

Finishing School programme-ah hian zirlaite chu khawtlang, kohhran leh pawl hrang hranga hman ṭangkai theih tur meeting minutes ziah dan leh account vawn dan te, hma lam huna an kawng zawh tur thlan dan te, financial literacy, cyber ethics, sexual offence leh mental health chungchanga hriat tur pawimawhte zirtir an ni.

Graduation Day leh Grand Dinner hi Berawtlang Tourist Centre-ah neih niin, zirlai chhuak turte hnenah thuchei hlan a ni a; zirlai ṭha thlante hnenah Principal Award leh Head of Department Award hlan a ni bawk.