Kolasib district kawngpui endik

Kolasib additional DC B Malsawmtluangi leh sorkar official-te chuan June 20, Inrinni khan Kolasib district-a National Highway (NH) 306 leh 06 thawm ṭhat hna thawh mek an en a; NHIDCL aiawhte leh khawtlang hruaitute'n an ṭawiawm.

Kawngpui en hi Kolasib Diakkawn aṭangin ṭan a ni a, Vairengte leh Khamrang lam kawngte fan kual a ni. Sorkar thuchhuah tarlan danin, tun dinhmunah chuan a tlangpuiin kawngpui chu lirthei tlan nuam tawk tura siam a ni tawh hlawm a, hmun eng emaw zatah tlan harsa khawpa chhia a la awm bawk.

NHIDCL hotute chuan, kawng chhe zual laite chu tui pût vang leh a leilungin a zawh loh (soil condition) vanga chhe hma bik a nih thu leh, concrete pavement-a siam turin rawtna an thehluh tawh thu an sawi.

B Malsawmtluangi chuan, kawng siamtute chu theihtawp chhuaha hma la zel turin a hrilh a; khualzin leh lirthei tlante himna leh awlsam nan kawng chhe zual laite chu chhinchhiah (identify) zung zung tur leh, a rang thei ang bera thawm ṭha zel turin a chah a ni.