Ṭhalfavang Kût hman ṭan a ni

Tourism department chuan nimin khan Tuirial Airfield-ah Ṭhalfavang Kût an buatsaih ṭan a, minister of state Lal-rin-mawia Ralte-in a hmanpui. Kût hi vawiin leh naktukah chhunzawm a ni ang.

Lalrinmawia Ralte chuan, khawvel hmun hrang hrangah tourism kaltlanga inpholanna leh sum hai luhna remchang an siam ṭhin tih sawiin, "Chu chuan ei leh bar lama hmasawnna tam tak a thlen a ni. Mizote pawh pi leh pute hun lai aṭang tawhin kût leh intihhlimna chi hrang hrang an lo neih ṭhin," tiin, mipuite chu hlim taka kût hmang turin a sâwm.

Inkhawm kaihruaitu parlia-mentary secretary (Tourism) TT Zothan-sanga chuan, "Ṭhalfavang Kût hi nawmsip bâwlna leh hlim-hlawp chenna lam ni loin, Pathianin hlim min phalsak anga mi tin huap leh state chhung leh páwn aṭanga khualzin mite hîpna atana intihhlimna kût a ni. Kût hi Mizoram sorkar sum ni loin, sorkar laipui aṭanga tourism promote nana Mizoram sorkarin a sum a dawn hmanga buatsaih a ni," a ti.

Ṭhalfavang Kûtah hian intih-hlimna leh ennawm chi hrang hrang - hnam làm, zai leh rimawi, bike stunt show, thalkah, silai kah, carnival, powered hang glider, hot air balloon, leh thil dangte buatsaih a ni a, handloom & handicrafts stall leh food court hawn a ni bawk.