KHAWTHLIR

Adventist budget

Seventhday Adventist, Mizo Conference-a Budget Committee chu president pastor R Biakthansanga kaihhruaiin Seventhday Tlanga Adventists Committee Room-ah an ṭhu a; kum 2017-2018 budget atan cheng nuai 862 a pawm.

Account hawng

Nimin khan Siaha DC conference hall-ah Bank Account Opening Mela neih a ni a, Siaha DC Harleen Kaur-i'n a hmanpui. Mela-ah hian State Bank of India, Mizoram Rural Bank, Mizoram Cooperative Apex Bank, IDBI Bank leh HDFC Bank-a thawkte'n a duh apiangte bank account an hawnsak a ni.

Zu zuar 36 man

Excise & Narcotics department chuan November 2016 chhung khan zu zuar 36, zu rûi mi 40, rakzu litre 2208.25 leh sap zu (ûm puitling) ûm 190 an man a; zu kaihhnawihah lirthei panga an man bawk.

Food Fair

KVK, Khawzawl chuan nimin khan KVK Farmers Hostel, Khawzawlah kut hnathawktute tan Food Fair, Kishan Gosthies leh Animal Health cum Free Clinic an buatsaih. He hunah hian lo neitute hnenah anṭam, chána leh dâl chi sem a ni a, ran vulhtute hnenah a thlawnin damdawi sem a ni bawk.

Vbc. 11808.77

Nimin Vanglaini chhuak phek 1-naa lottery aṭanga Mizoramin sum a hloh zat tarlan, cheng nuai 11808.77 tih chu cheng vbc. 11808.77 tih zawk tur a ni. Chhut sual palhah chhiartute hriatthiamna kan dil e.