Taxation dept.-in kum 2016-17 ah Chhiah nuai 19,007 an hmu tawh

Taxation department chuan sorkar kum kal mekah October, 2016 thleng khan chhiah chi hrang hrang aṭangin cheng nuai 19,007.60 an hmu tawh.

Sorkar kum kal mekah hian Taxation department hi cheng nuai 24,070 hmu tura tih an ni a, an target an la phak lohna chu cheng nuai 5062.4 a ni. Chhiah an hmuh tamna ber chu State Sales Tax (VAT) aṭangin a ni a, cheng nuai 13,134.91 an hmu a ni.

Taxation-in chhiah a hmuhna dang hrang hrangte chu - profession tax-ah cheng nuai 1006.48, POL-ah nuai 4631.19, Mizoram Entry Tax-ah nuai leh entertainment tax-ah nuai 48.98 a ni.

Head hrang hrangah hian target khum a la ni lo vek a, Mizoram Entry Tax-ah hi chuan target siam a ni lo.