Lawngtlaiah karate zirna hawng

Lawngtlai Electric Veng MHIP leh NYK ṭangkawpin sikul chawlh chhunga naupangte'n karate an zirna tur chu nimin khan Lawngtlai District Sports Centre-ah Lawngtlai DC Dr A Muthamma-a'n a hawng.

Dr A Muthamma chuan, naupangte chawlh hun âwl hnawh khah nana karate zirna buatsaih a ni chu lawmawm a tih thu a sawi a, "Karate hi mahni invenna a nih mai bakah, mahni inrintâwkna leh mahni inthunun theihna siamtu a ni. Hmeichhe tan phei chuan zir mâkmawh, sorkar laipui pawhin zir ngei ngei tura a tih a ni," a ti.

Karate zirna hi thla khat chhung awh tur niin, naupangte sikul chawlh hun âwl hman ṭhatna tura buatsaih a ni a, zir turin naupang za chuang an inziak lut tawh a ni.