IMA-in inkhawmpui an hmang

Indian Medical Association (IMA), Mizoram State Branch chu nimin khan Aijal Club-ah Annual Conference an hmang a, Health minister Lal Thanzara'n a hmanpui.

Health Minister chuan, doctor hmasa, a bikin specialist hmasate chu Aizawlah kher awm an tum lo tih sawiin, "Hmanruate duh anga hman tur awm lo mah se, taima leh rinawm takin Mizorama doctor-te hian damlo enkawlna ah hna an thawk
ṭha hle. Chutih mek laiin, ṭan lak leh zual a pawimawh a ni," a ti.

Lal Thanzara chuan, Health department-in kawng hrang hranga hmasawnna an neihte sawiin, "Medical College neih theih nan tunah Central scheme-ah cheng vbc. 189 aṭangin vbc. 40 chu sanction a ni tawh. Hna ruak hnawhkhah nan hlawhtlinna neih mekah hmachhawp mekte pawh buaipui zel an ni," a ti a; Lengpui Airport-a medical facility chu changtlung zawka thuam tum a nih thu a sawi.

IMA Mizoram State Branch hi kum 1972-ah mi 20 aia tlem, Mizo zinga post graduate degree nei pakhat chauh an la awm laia din ni a, tunah chuan member 650 awmin, an zinga post graduate qualification nei 300 chuang an awm tawh a ni.