IT Skill Training Centre inhlân

Information & Com-munication Technology minister Dr Vanlalthlana hoin nimin khan a pisaah ICT department-in Pradhan Mantri Jan Vikas Karyakram hnuaia a din IT Skill Development & Training Centre-te chu School Education department leh Higher & Technical Education department hnenah hlan a ni.

Centre inhlannaah hian memorandum of agreement ziah a ni a; ICT secretary Dr YLN Reddy, HTE secretary Dr Lalrozama, School Education secretary Ramdinliani bakah, depatrment secretariat leh directorate-a hotute an tel.

IT Skill Development & Training Centre-te hi a project hming chu 'Establishment of IT Skill Development & Training Centres in Minority Concentration Areas of Mizoram under PMJVK' tih a ni a; ICT department hnuaia Mizoram State e-Governance Society (MSeGS)-in an kalpui. Project atana sum hman chu cheng vbc 6.93 a ni a, sorkar laipuiin 90% tumin, Mizoram sorkarin 10% a tum.

Project hi minority area-a cheng zirlai leh zirtirtute tana computer leh digital kaihhnawih thiamna, computer zirna ṭha zawk leh technology hman kawngah hmasawnna siamna tur a ni. IT Skill Development & Training Centre-te chu Kamalanagar College leh Zawlnuam College te, Diltlang H/S, Bungtlang South H/S, West Phaileng Sports School Campus, Lungsen H/S leh Bunghmun H/S-aht e dah a ni.