SDRF-te'n intuaitharna hun hmang

Mizo 1st Indian Reserved (IR) Police, Mualvuma State Disaster Response Force (SDRF) chuan nimin khan chhiatna a thlen chánga chhanchhuah hna ṭha leh chak zawka an thawh theih nan intuaitharna, refresher course an nei a; 1st IR Bn commandant MS Dawngkima'n a hmanpui.

Refresher course-ah hian SDRF-te chu a thu (theory) leh a taka tih chhinna (practical) hmangin training neihpui an ni a; chhiatna a thlena hmalak dan tur leh chhan chhuah hna thawh dan turte an zirho a ni.

MS Dawngkima chuan, engtik hunah pawh chhiatna thleng thei a nih thu sawiin, "Kan thiamna leh theihna te belhchhah turin kan intuaihriam reng a ngai a, chumi atan chuan he hun hi buatsaih a ni," a ti a; engtik hunah pawh ṭanpui ngaite pui thei tura intuaihriam reng a ṭul thu a sawi.