Hman khat daih sarâng hman khap

Mamit district bawrhsap Suvigya S Chandra hoin nimin khan sorkar hotute leh khawtlang hruaitute'n Supreme Court thuchhuak anga khualzinte kal tamna (tourist site)-a hman khat daih sarâng (single use plastic) hman khap dan tur an rêl. Bawrhsap hian tourist site hrang hranga sarâng hman khapna a tichhuak nghal.

Mamit DC thuchhuahah, environment humhalhna atan leh Solid Waste Manage-ment Rules 2026 leh Civil Appeal No. 6174/2023 dated 05.05.2026-a Supreme Court thupek (order para 10)-in a sawi angin, hmankhat daih sarâng lam chi rêng rêng khualzinte tlawh ṭhin hmun leh vantlang hmunah hman, hralh, sem, dah khawm leh paih khap tlat a nih thu tarlan a ni. Thupek zâwm lote chu SWMR 2026 leh dan dang hmanga hrem theih a nih thu tarlan a ni bawk.

Khualzin, sumdawng, dawr neitu, event organiser leh Mamit district mipuite chu Bawrhsap chuan environment tana ṭha zawk - puan, lehkha, mau leh kuhva hnah hmanga siam ip/bungrua leh thir hmanga siam, silfaia hman nawn leh theih leh ṭawih thei aṭanga siam dangte hmang uar zawk turin a chah a ni.