VB-GRAMG-ah inhlawhna rate tihsan tum

Nimin khan Lunglei district-a Tlabung BDO confenrence hall-ah leh Siaha DRDO-ah ni 125 inhlawhna, VB-GRAMG orientation programme buatsaih a ni. July 1, 2026 aṭanga kalpui tur VB-GRAMG-ah hian hnathawh theih (permissible work) zat chu 318-ah tihsan a ni a, inhlawhna rate tihsan tum a nih thu tarlan a ni.

Siahaa zirhona hi district bawrhsap VL Hruaizela Khiangte-in a hmanpui a; Siaha diastrict-in hmun dangte ruala hma an sawn theih nan department hrang hrangte chu thawhhona ṭha tak nen scheme tharah theihtawp chhuah turin a chah.

Tlabunga zirhona hi Village Employment Council-te puala buatsaih a ni a; BDO Moses Lalfakawma Tlau chuan, ni 100 inhlawhna MGNREGA chu titawpin, a aia ṭha zawk tura ruahman VB-GRAMG kalpui thuai a nih dawn thu a sawi.

Tarlan danin, VB-GRAMG hi July 1, 2026 aṭangin kalpui tur a ni a; MGNREGA-ah ni 100 inhlawhna siam ṭhin a nih laiin, VB-GRAMG-ah chuan ni 125 inhlawhna siam a ni dawn. Hna thawh theih (permissible work) zat chu 266 aṭangin 318-ah tihpun a ni a, inhlawhna rate tisang tura ruahman a ni bawk.