KHAWTHLIR

Tourism director Vanlaldina Fanai

Depatrment of Personnel and Administrative Reforms (DPAR) chuan nimin khan office order a tichhuak a, Tourism director mawhphurhna la turin Vanlaldina Fanai, ICAS ruat a nih thu a tarlang.Vanlaldina Fanai hi Indian Civil Accounts Service a ni a, Tourism secretary a nih mek bakah, secretary to chief minister, Planning secrertary leh Finance secretary a ni mek. A hna thawh mekte bakah Tourism director charge a la tel rih dawn a ni.

PWD officer-te'n Quality Control zir

Food, Civil Supplies & Consumer Affairs department leh Bureau of Indian Standards (BIS), Guwahati chuan nimin khan PWD Engineer-in-Chief conference hall-ah PWD officer 60-te pualin ni hnih awh tur ‘Standardisation & Quality Control Programme’ zirhona an buatsaih. BIS aṭangin Dr Anuj Verma leh IIT (Benaras Hindu University) aṭangin Dr Aaditya Pratap ten thil pawimawh an zirtir a ni.