Khaw 6-ah nihawichi kg. 6,378.75 thar

Agriculture depart-ment hmalaknain 2025 kum tawp lam khan Khaw-zawl district-a khaw paruk - Khawzawl, Rabung, Kawlkulh, Khawhai, Sialhawk leh Biate khua-ahte chhungkaw 94-in buh ṭin 122 hmuna zauah nihawi (sunflower) an chíng.

Nihawi hi kumin April-May thla khan seng a ni a, khawkhéng leh khawvâwt vangin beisei angin thar ṭha lo mah se, khaw parukah hian nihawichi kg. 6,378.75 an thar a ni.

Khawzawl DAO Lallawmzuali sawi danin, nihawi chite chu Agriculture department-in a thlâwnin an hersak mek a, hriak an her chhuahte chu litre 1 zela fûn (pack)-in, loneitute hnenah an hlan lêt leh dawn. Tél chu nichawi chingtute'n an hralh duh a nih chuan, a hralhna tur Agriculture department-in a ngaihtuahpui leh dawn a ni.