Dan loa tuialhthei phur lutte zawng chhuak turin sorkar ngen

All Mizoram Petroleum Dealers Association (AMPEDA) chuan thuchhuah siamin, dan lo leh chhiah chawi loa Mizorama tuialhthei phur lut ṭhinte zawng chhuak turin Mizoram sorkar an ngen tih an tarlang.

AMPEDA chuan, tun hnaiah Mizoram chhungah dan lo leh chhiah chawi loin tanker hmanga petrol/diesel phur lut ṭhin an awm nia an hriat thu an sawi a, "Hei hi ṭha kan ti lo tak zet. He thil hi sorkarin a rang thei ang bera min zawn chhuahsak turin kan ngen a ni," an ti.

Tunlai hian petrol pump-ah tihluihnaa pawisa dil ṭhin pawl ṭhenkhat an awm tih hriat a nih thu sawiin AMPEDA chuan, "Ṭha kan ti lo hle. Tun hnuah chuan tihluihnaa pawisa indil awm tawh lo se kan ti," tiin an tarlang bawk.