Good Governance Day Ni tin kan hmang - CM

Chief minister Lal Thanhawla chuan nimin khan Congress Bhavan-ah thu sawiin, Mizoramah chuan ni tin Good Governance Day hman ṭhin a nih thu a sawi a, "A hranpaa hman kan ngai lo," a ti.

Sorkar laipuia BJP kaihhruai sorkarin Krismas ni, December 25 chu Good Governance Day atana hmang turin an ti tih sawiin Chief Minister chuan, "Keini chuan ni tin kan hmang a, a hranpaa hman kan ngai lo tih hi hria se ka duh," a ti a; BJP chuan Mizoram sorkar entawn zawk se a duh thu a sawi.

Lal Thanhawla chuan, December 25-a Good Governance Day hman tura tih chu tute party emawin politics-a hamṭhatna atan hman an tum nia sawiin, "Hei hi ho ka ti. Congress a sorkar chhung chuan Good Governance Day hi kan hmang ni tin ang," a ti.