Vijay Diwas-ah sipai martarte chawimawi

Nimin December 16 kha kum 1971-a India leh Pakistan indonaa India-in hnehna a chan champha, Vijay Diwas Victory Day) a ni a; zing karah sipai martarte hriatrengna lungphun, War Memorial-ah ram hruaitute'n hriatrengna pangpar an dah.

War Memorial-ah hian zing karah hun hman a ni a; sipai, ram tana nun-na hlantute hnenah zahna leh chawimawina lantir nan chief minister Lal Thanhawla'n pangpar a dah hmasa ber a, Home minister R Lalzirliana, parliamentary secretary (Home) Lt.Col. ZSZuala leh Hmingdailova Khiangte, chief secretary Lalmalsawma, DGP Thianghlima Pachuausorkar leh sipaia hotu ṭhenkhatte leh sipai bángte'n an dah bawk.

East Pakistan (tuna Bangladesh)-in zalenna a sual laiin, kum 1971-ah India leh Pakistan sipaite an indo a, India-in hnehna a chan hriat reng nan leh sipai martarte hriatrengna hun atan Vijay Diwas hi hman ṭhin a ni. Vijay Diwas hi December 16, 1971-a East Pakistan sipai hotu Lt.Gen. Amir Abdullah Khan Niazi leh Lt.Gen. Jagit Singh Arora ten indonaah India-in hnehna a chang tih nemngheh nan Indo-Pak War 1971 tihtawpna thutlung an ziak a ni.