Lalpa’n ram tana rawngbawl turin min hruai - Zoramthanga

MNF party chuan nimin khan Mizo Hnam Rûnah Exodus Day leh an party pisa kum 2016 chhung atana khârna inkhawm an hmang aresident Zoramthanga chuan, “MNF hi tihchhiat tumin nasa takin min bei ṭhin mah se, Pathian leh kan ram tana rawngbawl turin Lalpa’n min hruai zel a ni,” a ti.

Inkhawm hi MNF vice president Dr R Lal-thangliana’n a kaihruai a; Exodus Day pualin hnam martarte sûnna hun hman niin, sual thupha chawina leh inhlan tharna atan an ṭawngṭai rual a,
MNF National Core Com-mittee member K Van-lalauva’ Exodus Day pian dan a sawifiah.

Zoramthanga chuan, kum 1966-ah India sipai nen an inkâp tih sawiin, “Sipaiin lui ruam leh tlang tinah min hual bet a, East Pakistan-ah kan tawm hul a, Lalpa’n harsatna tam tak karah Mizo hnam movement hi min hruai chhuak a ni,” a ti a; inremna a awm hnuah Mizorama ‘ownership & transfer of land’ ah India Parliament-in thuneihna a nei lo a, Mizote phal na tello chuan ram dang mi an rawn lut thei lo tih a sawi.

Mi ṭhenkhatin MNF-te’n independent an sual lo angin an sawi ṭhin tih sawiin Zoramthanga chuan, “Ramhnuaiah khan independent-in army hran, sorkar hrang leh parliament hrang kan nei a, indepentdent-in kum 20 kan kal. MNF-in kan thupui chu ‘Mizo hnahthlak rorelna pakhat hnuaia awm te, kan hnam, sakhua leh culture vawnhim leh chawi san a ni,” a ti.

MNF President chuan, an party chu Pathianin thil mak hmangin a hruai chhuak nia sawiin, “Kum 10 opposition-a kan awm hi Pathianin fel leh thiang-hlim zawka kan inenfel theih nan a ruat a ni... MNF hi hun hnuhnunga chanchin ṭha hril turin Lalpa’n min ruat a, kawng chanveah min kalsan dawn lo. Inthlan lehah Pathianin sorkarna min siamtir ngei ang,” a ti a; Congress party chu a kungpui ber Delhi-ah a tlu tawh a, Mizoramah pawh a ni tèlin an che chhe zel niin a sawi.