BADP sum hmanga hnathawh tur thlirho

Mamit District Level Committee chu DC Lalbiaksangi hoin Ningani khan DC Conference Hall-ah an ṭhukhawm a; Border Area Development Programme BADP) sum hmanga Mamit district chhunga hna thawh dan tur action plan an thlirho.

Meeting-ah hian Mamit district-a BADP sum hmanna turin Zawlnuam RD block leh Phaileng RD block chhunga hmasawnna hna thawhna tur hrang hrang an thlirho a; West Phaileng Block chhunga khaw 18 tan kawngpui thawm ṭhat, khaw kar inkalpawhna, community hall, information building, bazar leh sikul sak nante hman tura rua-hman a ni. Zawlnuam Block-a khaw 32-te tan lei (bridge) siam ṭhat, khaw kar kawng sial thar, ruahtui dah khawlna siam leh khaw chhung tih hmasawnna hrang hrangah hman tura ruahman a ni.

Meeting-ah hian West Phaileng Block-a Multi Sectoral Development Programme (MsDP) kalpui dan tur thlirho a ni bawk a; hna thawhna tur khua atan West
Phaileng damdawi-in choka, PHC damdawi-in panna kawng, West Phailenga tuizem siam, New West Phailenga dumping ground leh Phuldungsei rural housing-te an thlang.