Sorkar lohna chhan tur hre loah puh

MPCC chuan nimin khan kumin chhung atan Congress Bhavan an khâr a; pisa khârna inkhawm buatsaihah MPCC president Lal Thanhawla chuan, opposition party-te chuan Congress sorkar leh lohna chhan tur sawi tur an nei lo niin a sawi.

Lal Thanhawla chuan, MNF-in sor-karna an chan chhungin mipuite an ching rethei hle nia sawiin, “Zoram mipuite kan ṭhanharh a ngai. MNF term hnihna tawp lam leh kan term hnihna tawp lam a inang lo hle. Mizoram hmun hrang hrangah lawm luh tur kan la nei reng a ni,” a ti.

MNF chu thil chhe làwmah puhin Lal Thanhawla chuan, “Thil chhia lawmtute’n lawmna tur an neih lohna atan kan thawk zel ang,” a ti a; ṭhál a zawh hunah Mizoram kawngte chu rúlngún pâ ang zar a nih tur thu a sawi.

MPCC President chuan lottery chungchang sawiin, Finance Minister-in press conference a koh hunah engkim a fiah vek tur thu a sawi a ni.