Sorkar secretary ṭhenkhat sîksawi; DPAR secretary Udit Prakash Rai

Mizoram sorkar chuan Mizoram sorkara secretary-te zinga IAS officer ṭhenkhatte hna (department) chan sîksawina officer orwer nimin khan a tichhuak a; Udit Prakash Rai chuan DPAR a enkawl dawn.

2007 batch IAS Udit Prakash Rai hian DPAR bakah Cooperation department a chang dawn a; UDPA leh DPAR chang ṭhin K Lalthawmmawia, 2007 batch chuan School Education leh Sports & Youth Services a chang tawh dawn a ni.

V Lalsangliana, 2010 batch chuan Sports & Youth Services chang tawh loin, a chan mek PWD bakah UDPA a chan belh dawn a; Vivek Kumar Tripathi, 2018 batch chu LESDE special secretary aṭangin Social Welfare director a ni dawn.

Social Welfare director Sushil Singh, 2019 batch chu Disaster management & Rehabilitation-ah special secretary (independent charge) a ni dawn a; Delhi Mizoram House special residential comissioner ni kawp tura tih niin, a headquarter chu Aizawl a ni ang.