MGNREGA-a thawkte inkhawmpui

All Mizoram MGNREGA Staff Federation chuan nimin khan Vanapa Hall-ah inkhawmpui an hmang a, Rural Development & Administration minister Prof. Lalnilawma'n a hmanpui.

Prof. Lalnilawma chuan, July 1, 2026 aṭangin MNREGA thlaktu VB-GRAMG hman ṭan tur a nih thu sawiin, MGNREGA staff-te chu inpekna thar nen ṭhahnemngai taka thawk turin a fuih a, "VB-GRAMG-in a tum angin, kum 2047-ah India ram hi kawng engkimah ram hmasawn a nih theihna turin, thingtlang khuaah pawh tun aṭanga kum 20 hnuah chuan hmasawnna tluantling a awm theihna turin theihtawp chhuah ang u," a ti.

AMMSAF-ah hian Mizoramah sub-headquarters 11 awmin, member 900 vel an awm a, inkhawmpuiah hian mi 600 chuang an tel. Chawhnu lamah ro an rel a, MJA kaihhruaiin hruaitu thar an thlang bawk.