Myanmar mi 8 YMA-in an hawtir

Champhai Bethel Branch YMA chuan thuchhuah siamin, Myanmar aṭanga raltlan rawn lut mi pariat chu an sumdawnnaah Champhai leh khaw hrang hrangah mi an bum ṭhin avangin tun kar chhunga Mizoram chhuahsan turin an hriattir a; nimin khan an hawtir.

Myanmar aṭanga raltlan sumdawng mi pariat chungchangah hian Champhai Bethel YMA chuan, "Champhai leh Aizawl khawpui bakah, khaw hrang hrangah kalin mi an bum ṭhin a, Farkawn lama mi an bumna aṭanga hriat chhuah niin, zanin (June 25, 2026) khan Bethel Branch YMA chuan a ko khawm a, tunkar chhung ngeia Mizoram chhuahsan tura tih an ni," an ti.

Champhai Bethel YMA chuan, mi pariatte chu mikhual lo tur leh an khua/venga awmtir lo turin an ngen.

Champhai Bethel YMA hian ratlan sumdawng pariatte hi nimin khan Myanmar-ah an hawtir nia thu dawn a ni.