Ramri-ah patrolling neih tum

Serchhip District Narco Coordination Centre (NCORD) chu June 25, Ningani khan additional DC Dorothy Muansangi kaihhruaiin an ṭhukhawm a; BSF/Assam Rifles leh police ten ramri chhehvelah joint patrolling neih vat an tum thu tarlan a ni.

Ṭhutkhawmah hian district NCORD ṭhutkhawm hmasa (May 25, 2026) leh tun ṭum ṭhukhawm inkara hmalaknate thlir let a ni a; ṭhutkhawm hmasaa rel tawh angin, BSF/Assam Rifles leh police ten border area-ah joint patrolling neih vat an tum thu an sawi. Ruihhlo donaa a bika hma latu tur Special Investigtion Team pawh din a nih tawh a, hmalak zui vat a nih tur thu an sawi bawk.

Tarlan danin, May 25 - June 25, 2026 chhung khan Serchhip Police-te'n heroin gram 1,129.36, Excise & Narcotics department-in heroin gram 0.65 leh ganja gram 635 an man. Food and Drugs Administration-in damdawi dawr 14 an chhuinaah damdawi chi hrang hrang strip 35 leh vial 26 an man a ni.