Kawng siamṭhattír leh dawn

Serkhan-Bagha kawng siam hna thawh mekah a ṭha tawk lo a awm tih Lungmuat Branch YMA aṭanga an dawn bawhzuiin Mi­zoram PWD chuan kawng siam ṭha lo lai zawng zawng siamṭha leh turin hna thawktu ABCI Infrastructure an hriattir.

PWD hotute aṭanga thu dawn danin, ABCI hian engineer ṭha tak an nei a, mahse, tun hnai khan chhiat tawh vangin an khuaah a haw a ni. Engineer awm loh lai leh Krismas vuakvet laiin hna an thawk a, chuvang chuan an hna a ṭha tâwk lo a ni.

PWD, Lungmuat YMA leh ABCI hotute chuan kawng ṭha tâwk lo laite chu nimin khan an enho a; PWD hotute chuan, ABCI-te chu hna thawk tawh rih lo tur leh, an engineer lo kal leh hunah kawng siam ṭha tawk lo laite siamṭha leh vek turin an hriattir a ni. Serkhan-Bagha kawng siam hna thawh zawh hun pawhsei a nih hnuah kumin March-ah thawh zawh hman tura tih a ni. 

Vanglaini palai zawhna chhangin PWD hotute chuan, "December 17, 2018, hun tiam chhunga thawk zo hman turin ABCI-te kan hrilh a, anni pawhin thawh zawh hman an inbeisei. Hun tiam chhunga thawh zawh an tum vanga hnathawh ṭhat loh erawh kan phal lo thung," an ti.